漁獲浜燒 (已結業)

同事帶我黎食生日飯，由佢地發板，大概係叫左一個松葉蟹海鮮set再額外加一隻龍蝦。全部都係由職員即燒，逐碟上，而且燒之前會拎過黎俾我地望一望，同影相先，再拎去燒。會見到啲海鮮係超級新鮮，龍蝦仲好生猛。員工服務好好，會逐樣解釋，教我地點食，燒蜆仲有幾種選擇，清酒燒同蒜蓉，牛油等，感覺好似專人服務。食物質素好高，全部都好好食！！尤其是龍蝦同味噌蟹甲羅燒！！絕對值得一試！唯一有不足係，師傅直接係我地後面燒，係可以影相同欣賞過程，但係會成身油煙味。