桐‧割烹 (亨環‧天后) (已結業)

今次想介紹呢一間喺天后嘅日本餐廳《桐‧割烹》，餐廳位於23樓，可以望住維港嘅夜景食晚餐，真係非常享受！✐. 好味程度: 🌟🌟🌟🌟🌟✐. 回訪指數 : 🌟🌟🌟🌟🌟✐. 推介指數: 🌟🌟🌟🌟🌟✨和牛釜飯✨和牛釜飯賣相吸引，一打開和牛香味濃郁，每一啖都食到牛肉嘅鮮味，份量仲好多，飯粒都濕潤，連埋牛肉就好正啦！✨馬友一夜干✨賣相金黃色嘅馬友一夜干真係幾唔錯，外皮有少少香脆，魚肉都係好滑，做到外脆內軟嘅嫩滑口感！✨自家製雞肉棒✨自家製雞肉棒食到啖啖雞肉，雞肉肉質嫩滑，仲要有勁多肉汁添🥰✨忌廉芝士番茄八爪魚冷盤✨本身好鍾意忌廉芝士，所以就叫咗呢款冷盤，除咗芝士之餘仲有啲蕃茄，仲有八爪魚添，八爪魚有幾爽口，同埋都係好新鮮！