利哥粉麵冰室

中午去左食利哥車仔面，一間係大角咀算新開既車仔面，因為同區都有幾間車仔面，所以比較起黎，利哥係比較一般。

我叫左3餸1面，牛筋腩，炸魚角，韮菜餃，油面加底，麻辣微辣，43蚊。餸既份量較少，味道都一般。油面都唔算太突出。優點係加底只係+3蚊，個微辣都唔錯，枱面上既冬菜都唔錯。不過加飲品就比較貴。如果下午3點到6點下午茶時段就35蚊3餸1面送野飲，比較抵食。

不過都未必會再去食，會選擇去同區既其他車仔面。