Mamaday

营业中

休息中

见到呢间餐厅买咗好多广告，大家都话值得一试，所以今日都同朋友出到嚟尖沙咀试吓系咪真系咁好食！环境：呢一度嘅面积比想像中大，唔会坐得好迫，而且餐厅位置亦都唔系真系好难揾！值得一题嘅绝对系呢一度嘅设计，相信有唔少人嚟呢一度最主要嘅目的都系想黎打卡！而佢呢一度嘅餐具都好特别，全部都系好有特色嘅设计，当中亦都混合左一啲香港嘅文化元素，都真系几得意㗎 ！食物：食物方面，其实真系唔系好好食，只能够讲系不过不失，好一般！今次叫咗个蟹肉意粉，整体嘅味道偏淡，唔会令人食完一啖仲想继续食落去，而且成个意粉偏干，都真系唔系好吸引！