天浮橋拉麵 (已結業)

見到咁多人推薦，特登行入嚟試下，叫咗一碗濃鹽醬油雞白湯湯麵（拉麵），再加咗三隻餃子。雞白湯拉麵個湯係幾清，飲落去口感還好，食完之後卻覺得有啲口渴，佢個味亦都唔係好夠濃，而且湯太少，食到一半已經唔係好夠湯。可能我食唔慣，我覺得佢嘅拉麵麵身有啲粗，略嫌太過有咬口，口感一般。配菜方面，我覺得最好食應該係隻蛋同啲木耳，蛋岩岩好熟，木耳絲略帶酸，雞腿肉同埋紫菜都一般。餃子個餡都幾好食，多汁，但個皮煎得唔係好香脆，會有少少咬唔開嘅感覺。服務唔錯，亦都有額外嘅位置去掛背囊。