榮式燒雞扒 (希雲街)

太耐無黎銅鑼灣，原來榮式雞扒搬左鋪位，裝修都唔同哂，鋪位大左，亦都坐得舒服左。今晚食飯時間黎到即刻有位，入到去見到大部分都係遊客慕名前來。

榮式雞扒飯

$54

餐牌加多左插圖介紹食物，但入面的款式都係一樣，所以二話不說就揀左榮式雞扒飯。

除左裝修靚左，連上菜的碟都換埋，望落兩大塊雞扒確實係幾吸引。不過我一向覺得榮式的雞扒無咩特別，比較薄身，偏咸，配菜份量亦偏少。雖然味道上吸引唔到我，但可以係市區用呢個價錢食到咁大碟飯已經算好抵。