廉記冰室 (春園街) (已結業)

新年自己一個去拜完神有點肚餓，想搵間餐廳坐低食個下午茶，本來打算係利東街揾間坐得舒服嘅餐廳、但行左個轉冇心水，就係轉出橫街時就比尼間茶餐廳嘅裝潢同櫥窗嘅波蘿包吸引了，雖然要排一陣隊，但欣賞下門口有趣嘅擺設，好快就入坐叫左個套餐，波蘿油配紅豆冰，波蘿油夾住一大塊牛油，咬落冇特別，略嫌牛油唔夠香，波蘿包略嫌有點硬，唔夠鬆軟！波蘿油嘅精粹係塊牛油，但只屬一般貨色，未能令整個包錦上添花至於紅豆冰，紅豆煮得淋起沙，可惜浸過糖水，甜得過份，雖然整杯飲料無加糖漿，只靠紅豆嘅甜味，但就好似二者各自為政，格格不入！價格頗貴