FULL/half (已結業)

行住街等咗好耐先有位。窗邊位置其實黑麻麻睇唔到景，座位略迫。最抵都係要Set Dinner。沙律落咗我最唔鍾意嘅千島醬類同蟹子，太多醬喇。黑松露菌忌廉湯都幾多菇幾香。自家製蛋寬麵澳洲牛肉粒意大利芝士，醬汁幾濃，啲牛肉有幾嚿有少少韌，個人愛寬麵，唔錯但唔算好彈。青檸熱情果梳打幾清新唔太甜。除咗front desk服務好啲，其餘人服務麻麻地，叫好耐先有人應。夜晚好少食呢個價位嘅西嘢，同區差唔多價錢，我會去Assagio, Mezzo, Ruby Tuesday。