原本都冇諗住入板前食的，但係去開的X壽司明明係11:30已經開左，但唔知點解今日冇開到
所以佢提議來板前食
我地兩個人去左坐卡位，好快咁就畫左2X件壽司諗住兩個人慢慢嘆，點知等左差唔多40分鐘都係得5件壽司到左
摧左佢一次都係冇壽司來
之後再過5分鐘又有個侍應來問我地仲有邊D壽司未到，咁我地咪話除左來左之後用筆畫左o個5件其他全部都未來囉
跟住個侍應就去左問壽司師傅整左未，佢話已經整左。之後個侍應竟然番來問我地係咪已經食左D壽司，話可能其他侍應唔記得用筆畫左己經來左既食物!
我朋友食得兩件壽司，我就食左三件。肚餓左40分鐘竟然仲要俾人屈食左冇來的壽司，真係火都來!!
我朋友即刻叫埋單走人。咁既服務態度真係第一次見，我地決定永世唔再幫襯!!!
食物方面，來左的只有平目魚、火炙鵝肝壽司同海鰻。
平目魚不過不失
火炙鵝肝壽司就無之前食時燒得咁香
唯一要讚的就係海鰻同以前一樣咁好味，隻鰻魚汁始終係我食過咁多之中最好味的
