更多
2022-12-24
483 浏览
朋友生日,佢住东区,就想揾间近近地嘅餐厅帮佢庆祝。东区好食嘅餐厅我认识嘅唔多,但系阿诗玛壹菌绝对系其中一间我会推介嘅餐厅。因为人少少可以叫嘅嘢食唔多,一个拼盘就可以包罗万有。我哋叫咗个五福民族拼盘,包括白玉青瓜卷、宫廷酱茄子、灯影藕片、山珍腐皮卷、油鸡枞蟹籽拌海蜇五个小食,每个味道完全唔同,完全冇重复,但系个个都精彩。我最钟意食嘅系灯影藕片,佢可以将莲藕切到咁薄嘅薄片,再加埋酱汁糖浆,香脆可口。主食系云南野生菌锅,我最钟意食菇,呢个菌锅完全吸收左鸡汤嘅鲜味,除咗菇同鸡食晒之外,个汤都系饮晒,最后饱到揽住个肚埋单。
张贴