南洋 (已結業)

放工約咗老公喺佐敦食飯，佢最鍾意食東南亞菜，所以我哋就去咗南洋。牆上嘅壁畫已經話咗俾你知呢度有新加坡、越南、泰國等風味，非常豐富。餐牌上都列出好多招牌菜式，而且圖文並茂，非常清晰。今日唔太肚餓所以我哋冇嗌到主菜食，叫咗一個小食拼盤share就啱啱好。小食拼盤啱晒兩個人食，總共有五款小食，包括蔥油豬扒、炸雞翼、炸春卷、炸蝦餅同無骨鳳爪。鳳爪嘅份量尤其多，醬汁酸酸辣辣，非常開胃。金沙骨肉骨茶好足料，你會見到大大件金沙骨，同埋原個蒜頭，不過你放心蒜味唔會太重，藥材味啱啱好。最後嚟個炒菜，我哋要咗馬拉盞炒椰菜苗，炒菜幾好食喎，馬拉盞炒味道微辣，好惹味。飲品我哋要咗牛油果沙冰($40)同青檸梳打($28)，係呢個天氣飲呢兩杯飲品真係透心涼。