東海薈 · 拉斐特 (皇室堡) (已結業)

又到食大闸蟹既时间，虽然坊间好多任食大闸蟹选择，但由于食蟹好慢，所以都系拣左食东海黄金蟹盛，个餐都几多野食，包每人两只蟹，而且星期一至四去仲有75折，先黎左半只京式片皮鸭，都唔算太差，当前菜食都几好，不过由于得半只，所以唔算好多，每人都都系两片度，再黎就系蟹粉小笼包，每人一笼两只，味道都可以，美极煎花虾个汁几好食，但虾就唔算太爽口，再黎宋嫂鱼羹，好够热但就无咩味，跟住就黎第一转既蟹，全部都系公，都算多膏，其实大闸蟹，最好食就系d膏，蟹算唔错，入口都油润甘香，蟹肉加埋醋食就最好，到我地差唔多食完第一只，第二转就黎，第二转都好食，都系全部都系公，两只蟹都唔错，都算多膏，最后再黎埋狮子头同埋乌冬，狮子头砂锅上，够哂热，酸辣肉燥手打乌冬，就咁望以为清汤，原来个底系有少少𩠌，都有少少辣，最后以姜茶汤圆作结，上菜其实都快，但执台就慢左少少，头几个𩠌食完都未执，以致张台有d混乱，但职员既态度唔错，都有礼，折实后约370一个人，算唔错，值得一试。