黃枝記 (已結業)

話說屋企人去曬旅行，朕一支公 - 啊唔係，應該係話朕放左御膳房一日假，自己出去覓食。 中環 lunch 已經食過黃枝記，果邊坐位比較迫，銅鑼灣新店，果然光猛闊落，可以一食。 話說我國天氣比較反常，都係叫杯蜂蜜生姜茶($18)，暖一暖身先。 生薑茶絕對係足料，姜絲同蜂蜜漿沉底，攪一攪一流，一飲落肚真即刻趕走晒啲寒氣。 主食 - 朕叫咗一個皮蛋瘦肉粥 $42 粥底綿就梗架喇，碗粥朕拔黎拔去都係咁熱！皮蛋同埋瘦肉既份量一啲都唔少，每啖粥都有料入口。瘦肉少少鹹，而且真係唔多肥。最後當然同場加映一碟香口嘅嘢，平衡一下心理。 能夠做到炸両香脆而又唔硬唔容易，因為油炸鬼唔可以淋，但又不能太翻炸。不過朕今晚就遇到了它 炸両 ($28)Whether you like it or not, 個炸両已經有甜麻兩醬一併付上，岩晒朕心水。炸両同粥品絕對係 perfect match. 咁就搞掂一餐，原來簡單都可以好有質素。