影片
更多
2022-10-07
12 浏览
今晚我又一拖二出街！今次出去佐敦嗰邊行吓，經過吳松街，見到呢間餐廳雖然細細地，但環境唔錯，餐牌上嘅食物都幾特別，就同兩個小朋友入去試吓。我以前成日都會飲酒，自從做咗媽媽之後就節制咗好多，但今晚見到個drink menu有好多酒🍺🍻🥂🍹🍸🥃⋯我就忍唔住點咗杯「81 signature」。嚟到時真係有驚喜，老闆即場拎呢支槍係我哋面前整煙霧波波，小朋友見到都嘩嘩聲！爆咗之後會有啲香甜味，原來係用咗蘋果木味嘅煙！飲落去都唔錯，甜甜地，好易入口。小朋友唔飲得酒，亞仔就點咗杯「菠蘿柚子梳打」，都幾清新。而亞女就好欣賞餐廳嘅水杯，話好靚，可以飲水就得，真係好攪笑😆除咗飲品之外，我今晚仲點咗一個小食、兩個主食同埋一個甜品。黑松露薯條配特調黑松露蛋黃醬：估唔到小食都咁大盤，薯條即時炸，好熱又香脆，配埋黑松露蛋黃醬，兩個小朋友一條接一條咁食。而我一邊飲酒、一邊食薯條，真係好relax。明太子溫泉蛋蝴蝶粉：呢個蝴蝶粉，望上去簡簡單單，但其實超好味！嗰明太子醬汁好濃，撈埋溫泉蛋，真係好正！亞女食咗第一啖之後，就搶住食哂成碟，哈哈！慢煮黑椒牛肋條配香煎上海年糕：估唔到上海年糕都可以咁整，整到好似薯條咁。呢個年糕
今次出去佐敦嗰邊行吓，經過吳松街，見到呢間餐廳雖然細細地，但環境唔錯，餐牌上嘅食物都幾特別，就同兩個小朋友入去試吓。
我以前成日都會飲酒，自從做咗媽媽之後就節制咗好多，但今晚見到個drink menu有好多酒🍺🍻🥂🍹🍸🥃⋯
我就忍唔住點咗杯「81 signature」。嚟到時真係有驚喜，老闆即場拎呢支槍係我哋面前整煙霧波波，小朋友見到都嘩嘩聲！爆咗之後會有啲香甜味，原來係用咗蘋果木味嘅煙！飲落去都唔錯，甜甜地，好易入口。
小朋友唔飲得酒，亞仔就點咗杯「菠蘿柚子梳打」，都幾清新。而亞女就好欣賞餐廳嘅水杯，話好靚，可以飲水就得，真係好攪笑😆
除咗飲品之外，我今晚仲點咗一個小食、兩個主食同埋一個甜品。
黑松露薯條配特調黑松露蛋黃醬：
估唔到小食都咁大盤，薯條即時炸，好熱又香脆，配埋黑松露蛋黃醬，兩個小朋友一條接一條咁食。而我一邊飲酒、一邊食薯條，真係好relax。
明太子溫泉蛋蝴蝶粉：
呢個蝴蝶粉，望上去簡簡單單，但其實超好味！嗰明太子醬汁好濃，撈埋溫泉蛋，真係好正！亞女食咗第一啖之後，就搶住食哂成碟，哈哈！
慢煮黑椒牛肋條配香煎上海年糕：
估唔到上海年糕都可以咁整，整到好似薯條咁。呢個年糕，一邊有脆脆嘅感覺，而另外三邊就軟綿綿，口感唔錯！而牛肋條就煮得好入味，唔韌，配埋年糕一齊食，真係好特別！
超脆油炸鬼配芒果汁及雪糕：
個甜品一上枱，兩個小朋友嘅眼睛就閃令令！估唔到油炸鬼、芒果汁同雪糕係咁夾。聽老闆講，呢個芒果汁唔係溝出嚟，而真係用新鮮芒果打汁而成！
餐廳嘅食物同埋服務真係唔錯，下次過去佐敦一定要再幫襯，仲要試吓其他未試過嘅菜式先！😆
张贴
