Cafe F39

在openrice搜尋一下北區既私房菜，冇乜選擇，就見到呢間。餐廳在粉嶺圍的村屋3樓。下著兩冒著風下，其實也不是太難找。餐廳一般只經營星期一至五的午餐，要食晚餐就要一早預訂。所以基本上都會包場。

優點
女主人熱情招呼。食物也好味。還有隻活潑的狗狗。

缺點
冇乜氣氛。裝修係硬傷，民居冇可能同餐廳比我明白。但可控制既，如燈光太光。音樂是用手機播放夾著廣告的Spotify。俾58蚊月費或用mp3，駁上藍芽喇叭播放音樂，感覺會好很多吧！

價錢也不太親民，我覺得係偏貴的。$800一位，成本控制得很好(可參考食材）。咁我都明白整晚只做兩位，價錢貴無可厚非的。但這個價錢，選擇都多的是。如果$650一位，我會再來。

1

一坐低老闆娘就送上Parma ham做前菜。

然後有款凍蝦，好味。下次試下自己煮。

呢個好好味，剛剛焗出黎，又熱又香。正呀！

由於沒有菜單，估計是白酒煮。但味道就一般。

最差係個湯，沒特別之餘還有好多菜絲。

主菜係焗三文魚配薯蓉。兩樣都好好味，只係魚唔夠熱。

生日本來要求了在甜品上寫字。咁老細話寫唔到，咁唔緊要既。蘋果批不太甜，剛剛好。但餅面就冇乜味，老細切得不太均衡。