呢度集溫馨浪漫同埋阿仙奴波衫為一身，都幾別緻，又幾新鮮！店入邊展示左一啲阿仙奴嘅波衫。
呢度價錢都OK~百零蚊就有沙律、餐湯、主菜、甜品同飲品，一次過滿足晚上嘅dinning願望
PS六折就可以加佢本身嘅自家甜品，我哋叫咗個疏乎厘，計返都係$30左右！
沙律上面加咗一啲類似爆珠嘅爆漿小珠，所以食落係香香甜甜酸酸，都幾得意。
餐湯係南瓜蓉湯，顏色飽滿亮麗，味道柔滑香甜嘅，每一啖有少少南瓜蓉，暖到入心～
香燒美國creekstone 牛肉眼拼法國鵝肝（$228）
Creekstone牛肉係講緊嗰個農場名，喺美國安格斯牛肉中嘅名牌，所以係安心之選！
呢塊肉眼扒都相當多脂肪，肉汁Juicy，大廚嘅火候控制到啱啱好，五成熟又鎖住晒啲肉汁，所以食落都好鮮嫩，有外脆內嫩嘅感覺！
香煎海鱸魚柳意式鮮蕃茄莎莎（$178）
魚柳烤非常香嫩，冇晒雪味，肉質鮮嫩多汁，口感細膩。
疏乎厘
新鮮出爐嘅疏乎厘，好似會呼吸咁，非常輕盈，入口即化，配上少少嘅糖粉，甜得來又唔漏，簡直係為呢一餐畫龍點睛！
題外話：我好欣賞呢度用嘅杯，用嘅係英式style，同呢度好似有種衝突感覺但係有格外地夾!
