入麵 (已結業)

工作關係，第一次去石門，去一個未去過既地方，最期待就梗係lunch個餐🤤同事介紹入麵呢間餐廳，佢話佢經常食，口水汁撈麵最為推介，本來我就嗜辣，又愛麵食，聽到佢嘅推介，自然不能抗拒😍打開蓋，過份平實既樣令我降低左個期待，撈勻後，賣相已可觀十倍，流口水啦🤤一擺入口，佢除左有咸香辛外，重有些少甜，呢個汁係出面食唔到，較得岩岩好，一啖接一啖，極上癮，重有個雞翼，我又好鍾意😍炸得酥脆，毫無油溢味，而且連外賣都有青瓜甘筍薯仔等配菜作伴，好耐無食過d咁有心既餐廳🥲一餐滿足口腹＋心靈之慾，只需要$33.5，係我無寫錯你無睇錯，只係$33.5，秘訣係下午茶餐+叫外賣（9折）就係呢個價啦😊