潮福蒸氣石鍋 (已結業)

一字記之曰：鮮呀妹話咁快就過probate。時間真係過得快。鬼妹仔竟然又幾識做。請我食餐飯咁話。客隨主便就帶我黎呢樹。早聽聞過呢到海鮮質素好但索價不菲。埋單果個叫啦梗係。點知豪到呢！ 花竹蝦隻隻手板咁長。仲要係隻隻有米蝦。上到黎啲腳仲爪緊水。極鮮極甜。 鮑魚用蟲草花黎蒸。功效係啲乜就唔知。但係set好時間蒸出黎既鮑魚剛剛好。最怕就係過火因為會變靱。鮑魚沾上了蟲草花既味道。鮮甜之味變得層次多左。 蟶子同元貝都係大個子版。夠鮮甜之餘口感又夠。大大件咁。 有驚喜既係梅菜蒸菜芯。大有新鮮同醃製品同治一籠之色。菜芯新鮮天然既甜係咸中帶甜既梅菜帶動下就好似放大左咁。愈食愈好食。好似食極都唔夠咁。最尾食埋底下個粥更係集鮮味於一體。一定要留位食呢個。埋單四位數。食得過癮。在此謝過了。