影片
更多
2018-01-02
9841 浏览
我谂唔少人听过铜锣湾有间舖卖炸猪扒包好出名，原来佢附近都有间卖猪扒成名嘅小店~我谂唔少人嘅童年都系以猪肉为主食，妈妈贪佢平过牛肉，细路贪啲免治猪肉食得简单，再大个少少嘅间唔中喺屋企食到猪扒都会好开心。炊豕店嘅「豕」指嘅就系猪肉，喺店入面当眼位嘅一句「我们都是食猪大的」相信系唔少港人嘅心声。舖头嘅装修好有心思，集齐咗唔少70s-80s嘅物品，就好似返到去阿爸阿妈嘅童年咁。当中仲识行识走嘅表行大钟同取自船只嘅大灯就最吸引到我。我从来冇食过避风塘炒蟹，多得某即食捞面，我先知避风塘系炸蒜，更加被佢深深吸引住。见到餐纸上有避风塘猪扒，点能够唔心动?炸猪扒份量多得完全覆盖住幼面，加埋炸蒜，望落就好似一座黄金色(=卡路里)嘅山咁!猪扒炸粉好薄，食落啱啱好有少少脆口，但又唔会食到面粉味。猪扒冇乜脂肪，但食落松软。轻易咬开，唔会食到成口肉丝。面类本身都会捞炸蒜。采用嘅幼面比唔少云吞面店优胜，比较弹牙，好上汁，但又未去到鸭蛋面𠮶种质素。少饭可以减一蚊。猪皮黏韧入味，食到话梅同冰糖嘅甜味，花雕酒香就淡咗啲。成嚿猪脚都好稔，不过就未够浆口，炆耐啲会更加好。卤蛋外层卤成深啡。虽然唔系溏心卤蛋，但蛋白卤成全啡，蛋
我谂唔少人嘅童年都系以猪肉为主食，妈妈贪佢平过牛肉，细路贪啲免治猪肉食得简单，再大个少少嘅间唔中喺屋企食到猪扒都会好开心。炊豕店嘅「豕」指嘅就系猪肉，喺店入面当眼位嘅一句「我们都是食猪大的」相信系唔少港人嘅心声。
舖头嘅装修好有心思，集齐咗唔少70s-80s嘅物品，就好似返到去阿爸阿妈嘅童年咁。当中仲识行识走嘅表行大钟同取自船只嘅大灯就最吸引到我。
避风塘猪扒幼面(期间限定)
$58
236 浏览
0 赞好
0 留言
我从来冇食过避风塘炒蟹，多得某即食捞面，我先知避风塘系炸蒜，更加被佢深深吸引住。见到餐纸上有避风塘猪扒，点能够唔心动?
炸猪扒份量多得完全覆盖住幼面，加埋炸蒜，望落就好似一座黄金色(=卡路里)嘅山咁!
猪扒炸粉好薄，食落啱啱好有少少脆口，但又唔会食到面粉味。
猪扒冇乜脂肪，但食落松软。
轻易咬开，唔会食到成口肉丝。
面类本身都会捞炸蒜。采用嘅幼面比唔少云吞面店优胜，比较弹牙，好上汁，但又未去到鸭蛋面𠮶种质素。
话梅花雕猪手饭(少饭)
$50
122 浏览
0 赞好
0 留言
少饭可以减一蚊。
猪皮黏韧入味，食到话梅同冰糖嘅甜味，花雕酒香就淡咗啲。成嚿猪脚都好稔，不过就未够浆口，炆耐啲会更加好。
卤蛋外层卤成深啡。
虽然唔系溏心卤蛋，但蛋白卤成全啡，蛋黄亦入味，除咗卤得比较实之外，成只蛋系好味嘅。
仲好贴心咁比埋骨碟装猪脚骨。
椒盐鱿鱼须
$38
25 浏览
0 赞好
0 留言
椒盐鱿鱼须几时都系咁吸引~
炸得酥脆唔油腻，鱿鱼比较幼身，所以整条都好入味，但相对就冇咁有咬口喇。
饮落有点淡，但饮到底发现有好多柚子皮，而且几甜吓。咖啡管实在太幼搅唔起啲柚子，又滗唔起啲皮。其实杯饮品系足料嘅~
铜锣湾嚟讲价格几相宜，而且几有特色。不过真系要有排队嘅心理准备。我哋六点几去刚好净返两个位，坐到6点半已经现人龙。
题外话/补充资料：
每人至少消费$40, 一人一张餐纸
(以上食记乃用户个人意见 , 并不代表OpenRice之观点。)
张贴
