星味工房 海南雞專門店 (已結業)

咁岩今日入聯和墟睇戲就試下呢度新加坡菜啦，今次黎既目標係雞！因為見之前有媒體介紹過呢度既慢煮雞。黎到店員就好熱心介紹呢度d雞既煮法，係慢煮成個鐘的。所以，先品嘗下星洲雞拉麵，用左店內最有人氣既slow cook雞，煮到岩岩熱，滑溜溜又唔會有血水，咬落肉質剛剛好，唔會熟到韌，果然名不虛傳啊。而個拉麵係幼身的，相對粗身比較入湯味。日式雞絲粉皮，粉皮係偏幼身的，食落煙韌，而雞絲、青瓜份量好多，配埋胡麻醬凍食，果然好有日本風味。紅豆冰，店員推介，果然好夠奶，又多紅豆，飲落好滋味可口。