先上松露炒蛋配薯餅，薯餅係切絲煎薄身，少香口，而個炒蛋雖然唔係滑溜，但有蛋味加埋黑松露，冇得輸。至於個真卡邦尼意粉，店主表明要吃傳統卡邦尼意粉係唔加忌廉，因為吃的是蛋黃及芝士的味道，加忌廉把所有味道也蓋過了。上枱後先加芝士片，撈勻晒，試第一啖後覺得個蛋黃汁真係好香濃，每一條意粉都充滿蛋黃汁，而同樣做到creamy既效果！
而慢煮豬扒如果我冇記錯係加拿大既豬，連骨煮，上枱見到已經切開一片片，嫩嫩既粉紅色，食落肉味夠同嫩口。而個邪惡薯蓉亦都好好食，並唔係開粉整個d假薯蓉。
本身想試埋佢個焦糖燉蛋但係呢三樣嘢已經令我哋兩個超級滿足。
如果大家入到黎長洲諗唔到食咩嘅，呢間小餐館都會係一個不錯嘅選擇！
