阿木台灣麵 (廣華街) (已結業)

💛 #旺角 #阿木台灣麵今日又出咗旺角，經過阿木見到比之前少咗好多人排隊，就想再黎食啦🤤 上次食紅燒牛肉麵同芋圓都好好食！ 今次就想試吓啲唔同嘅嘢食☺️ 結果原來因為轉咗gulugulu拎飛先少咗人，但等嘅人其實仲多😭 最後拎完飛都係等咗成個鐘，大家有app一定要用app拎定飛呀😭🍱 鹽酥肉便當 （$59）便當超大份量，有一碗加咗少少魯肉嘅飯、一碟鹽酥肉同三樣前菜🤰 前菜都係正常發揮，冇咩特別。鹽酥肉有好多條，每條都好多肉，皮薄多餡！咬開會見到啲粉嫩嘅肉，仲見到好juicy😋 枱面有啲鹽酥肉專用嘅粉，覺得淡嘅話可以加啲粉，鹹鹹哋嘅😋🍳 芝士肉鬆蛋餅 （$42）個蛋餅入面勁多肉鬆😱 蛋餅仲有啲蔥，好香😋 蛋餅超大條，我哋三個人share一個人嘅話叫完一個主食應該會食唔到一個蛋餅咖～🍹 黑糖珍珠鮮奶 （$17）揀咗微糖嘅黑糖珍奶香得黎唔會太甜，覺得啱啱好😋 珍珠算煙韌，而且超多～😚阿木嘅嘢食嘢飲cp值都真係好高，不過我都係推薦大家食佢嘅麵，招牌真係好食啲咖 🤤