御前牛盛日式涮涮鍋 (已結業)

同朋友行左成日街好肚餓又冇斬獲, 個個都話要食番餐好既補數, 但係有2個就話想食放題要勁食刺身, 我同其他3個就想打邊爐, 係仲未決定好要食咩既時候, 行行下見到咦刺身火鍋放題, 唔洗諗啦仲唔係你!可能早7點左右又閒日, 上到去都仲係冇咩人, 我地5個人等都唔洗等就入得, 佢既鋪面唔算大, 但係都幾整齊。火鍋配料, 幾個飲品櫃, 雪條,糯米滋應有盡有。我地一坐底就揀左湯底先啦, 湯底既選擇好多, 我地就要左個清清地既昆布鰹魚清湯, 順便+埋30蚊刺身放題。 落左單先慢慢睇要咩啦, 正所謂打邊爐最緊要係個爐嘛。睇左冇幾耐, 頭先點既刺身話咁快就黎左, 擺放浮跨就唔洗講, 件件刺客望落都大件又新鮮冇話主打火鍋而求其比D刺客算。三文魚、象拔蚌、虎蝦...真係諗番起都想再食多次。講番佢D火鍋配料, 我地呢班食肉獸最緊要緊係要肉先, 特別推介佢既加拿大牛肩胛肉片, 大大塊又唔肥, 放落個湯到十幾秒就拎得上黎, 鼓油都洗點就咁食, 個D牛既鮮味出出出出出曬黎, 其他肉好好似美國進口牛肉片同鹿兒島豚肉片都係一個唔錯既選擇啦嫁。除左肉仲有海鮮, 帶子、尤魚、廣島蠔樣樣都鬼死咁新鮮, 一間打邊爐店野食正