古早味原住台灣 (已結業)

今日行過尖沙咀，見到有台灣菜，諗住試一試。結果咁樣就出事。13:00入座，13:05已經落單，去到13:25野食都仲未到，叫服務員追一追，一個話煮緊，一個又話多單。結果隔離枱比我地遲order的都已經食緊。最終等到13:35先到，煮個涼麵足足等左半個鐘。講到明要走蘿蔔絲又無走到，結果要自己一條一條咁夾走。跟餐送個小食流到無朋友，1舊西蘭花，1粒魚旦，幾片青瓜。試一次，完全唔會有下次。服務態度極差。