富臨酒家

本身諗住富臨呢兩個字，都應該有啲保障，點知中晒伏....
是咁的，夜晚唔知食咩，行行吓見到富臨，就入咗去食，3個人，揀咗任食火鍋。叫咗湯底，等咗15分鐘，個湯底都未到，問完一大輪先知原來冇落單！😔😔😔
湯底到咗，清湯清到水咁，如果冇幾件豆腐喺入面，我真係以為係清水...雖然$128嘅質素，都冇咩可以要求😑
食物，嚟啲唔嚟啲，追咗幾次先上齊...嚴重人手不足造成的結果😔
食物質素奇差，炸魚皮最令人印象深刻，呀姐攞上嚟，見到啲色水都發覺唔係好對路，咬一啖...嘩，不得了...完全咬唔斷，韌過牛皮😑😑😑
成晚最正常係生菜、豆腐、粟米...😂😂😂
服務方面，啲呀姐真係無視食客，叫極都話等陣/忙緊/唔得閒住...😔
真心冇下次，附近吉野家都好過佢😂😂😂