潮牛莊火鍋 (已結業)

我好中意食內地嘅潮汕打邊爐，但下下要上大陸先食到，實在麻煩，網上睇到呢間潮牛莊火鍋有唔少好評，一於去食下。餐廳位於尖沙咀金馬倫廣場2樓，環境整潔又寬敞。呢度特別在有得打邊爐，亦有客飯食，我哋叫咗佢哋嘅招牌菜式『清湯牛爽腩』，湯底清甜，散發出陣陣牛肉香氣，而且牛爽腩烹調到鮮嫩入味,每一啖都好滿足。另外點咗一人一鍋打邊爐，叫左肉眼邊肉同爪邊，碟上有溫馨提示要灼大約幾多秒👍🏻。肉眼邊肥瘦適中，嫩滑多汁，而且唔會鞋。而爪邊仲更加嫩滑又好重牛味，配合埋潮汕式嘅醬料，令人胃口大增。今餐全牛宴真係好滿足!