名館 (已結業)

因为室内环境吸引左我入黎食，场内景观开扬。窗前亦有望二人窗位，不旦适合情侣在黄昏欣赏日落，亦非常适合我这些toxic缩在一角看风景饮一个人的荼，绝对不感尴尬。食物方面，我地点左以下点心：厚切叉烧皇宜家香港嘅半肥叉实在系买少见少。虽然呢个都唔多肥，但肉质十分嫩，就算厚切都唔会干肯肯。 糖心黑蒜炖响螺基本上啲黑蒜都无乜味，因为已经落哂个汤入面，好甜！螺片亦好冧，正！ 京川汁秋葵适逢当造时节，秋葵爽脆鲜嫩，加上辣辣哋嘅酱油汁，绝对系消暑凉伴。饭焦凤凰虾饭焦炒饭真系第一次食，饭焦好香，而且同炒饭捞得好混，如果再洒少少松子，口感同层次会更加丰富！蜂蜜柚子虾球本来最期待呢个𩠌，但个柚子酱并无惊喜。胜在虾球鲜炸松脆，唔觉油腻。总括黎讲，呢间餐馆所售既菜式都很健康及美味，若然下次想独自品茗，呢度会系我的首选。