Ikigai Concepts (已結業)

0+3後，各位foodie朋友係咪已經蠢蠢欲動準備飛✈️呢? 阿叔依然心大心細中，喺仲未真正返到家鄉之時唯有繼續留港食住日餐先。之前剛剛嚟咗呢間位於荃灣西一大型商埸入邊嘅日式餐廳，呢度佔地過萬呎，真心大得誇張😳，店內更分為清酒、廚師發辦、鐵板燒、和食等專區，啱晒三心兩意嘅你，入到嚟先慢慢揀食咩日本餐都得。🤭 為迎接秋季🍂來臨，餐廳近日剛推出秋祭割引1人前套餐，套餐單一價錢$338可揀主食鐵板燒、天婦羅或者炭火串燒，另包沙律🥗、漬物茶碗蒸🥚同味噌湯🥣。宜家做緊推廣，加多$100仲可以任飲生啤🍺2個鐘添，難得嚟到，就當然一次過要晒啤啤佢！ 🥢天婦羅 ($338)，賣相極度邪惡嘅套餐，主食包特上天婦羅同半份炸蛋天婦羅蝦餅飯，前者有炸蝦同炸野菜；後者就有半熟炸蛋加上炸蝦餅。所有炸物都金黃酥脆，炸粉夠薄，配埋白飯一齊食就最好不過！🤤 🥢鐵板燒 ($338)，相當豐富嘅套餐，有銀鱈魚、肉眼厚切、時令野菜加埋鐵板蒜香和牛櫻花蝦炒飯。銀鱈魚肉質幼嫩，充滿魚油香；肉眼雖然有少少overcook，不過肉味濃郁，食埋成碗櫻花蝦炒飯，真係飽到嘔呢！🐽🐽🐽