銘陽車仔麵

【☀️銘陽車仔麵｜無味精🎞️香港懷舊柚皮】
細細個時間中會食到麥芽糖柚皮，仲會係高級酒樓食到，時至今日已經好少見，估唔到係車仔麵店可以食到！

.
銘陽車仔麵多餸多選擇，佢哋出名無味精，食完唔會口渴，今次我點咗下午茶6個餸：
/六餸車仔麵
豬大腸、牛腩、咖哩魚蛋、柚皮、豬皮和蘿蔔配手切麵，麵條軟滑，夠掛汁。

.
/柚皮
比我想像中厚身，用滷水汁調味，懷舊當時興，給予我全新感覺。

.
/甜酸齋
自家新鮮製，大大碟，夠酸，經典橙色好兒時回憶。

.
/蜂蜜檸檬茶
除車仔麵外，佢哋嘅台式飲品都出名，而且仲好抵飲，大大杯都只是加$8。

.