影片
更多
2023-05-23
115 浏览
為咗就科學園返工嘅朋友，今次就嚟咗呢邊覓食，本來以為得頹canteen，點知俾我搵到呢間精緻中菜😋💡 蒜蓉香辣鳳爪 & 口水彈蛋前菜當然要搵啲酸酸辣辣嘅嘢開下胃，鳳爪去咗骨，好方便就咁食，酸辣汁加埋蒜夠晒開胃！口水彈蛋用咗鵪鶉蛋，口水汁偏辣但惹味，加上花生提昇口感層次，賣相仲好可愛添~💡 牛油果蝦春卷 $48牛油果唔會太膩，蝦肉都爽彈，兩者味道同質感都相輔相成。牛油果令蝦味更香更出，蝦肉嘅彈牙都彌補返牛油果軟綿綿嘅質感，擺咗一陣都仲夠熱係一大加分位！💡 氣鍋雞 (湯) $78以茶壺嘅形式上菜，好有創意，同時功能上都可以維持湯嘅溫度，仲唔怕有咩湯渣。味道係清清地嘅椰子雞湯，配埋其他野食，偶爾飲返啖有種清潤去膩嘅感覺～💡爆汁乳鴿 $36講起粵菜，點少得乳鴿，上碟時剛剛炸好，外皮冇再滲油，又留得住肉汁，肉質唔柴，調味適中。餐廳貼心咁提供手套，唔怕食到好狼狽。💡 烈焰菠蘿炒飯 $128冇花冇假真係一個菠蘿🍍，上枱時店員仲要點火，令到成個菠蘿火花飛舞。入面藏住瑤柱蛋白炒飯，仲有菠蘿好自然嘅甜味，入面仲要真係有菠蘿肉可以刮嚟食～💡 避風塘軟殼蟹 $108 & 松露懶人雞(半隻) ＆ 求其芥蘭 $6
💡 蒜蓉香辣鳳爪 & 口水彈蛋
前菜當然要搵啲酸酸辣辣嘅嘢開下胃，鳳爪去咗骨，好方便就咁食，酸辣汁加埋蒜夠晒開胃！口水彈蛋用咗鵪鶉蛋，口水汁偏辣但惹味，加上花生提昇口感層次，賣相仲好可愛添~
💡 牛油果蝦春卷 $48
牛油果唔會太膩，蝦肉都爽彈，兩者味道同質感都相輔相成。牛油果令蝦味更香更出，蝦肉嘅彈牙都彌補返牛油果軟綿綿嘅質感，擺咗一陣都仲夠熱係一大加分位！
💡 氣鍋雞 (湯) $78
以茶壺嘅形式上菜，好有創意，同時功能上都可以維持湯嘅溫度，仲唔怕有咩湯渣。味道係清清地嘅椰子雞湯，配埋其他野食，偶爾飲返啖有種清潤去膩嘅感覺～
💡爆汁乳鴿 $36
講起粵菜，點少得乳鴿，上碟時剛剛炸好，外皮冇再滲油，又留得住肉汁，肉質唔柴，調味適中。餐廳貼心咁提供手套，唔怕食到好狼狽。
💡 烈焰菠蘿炒飯 $128
冇花冇假真係一個菠蘿🍍，上枱時店員仲要點火，令到成個菠蘿火花飛舞。入面藏住瑤柱蛋白炒飯，仲有菠蘿好自然嘅甜味，入面仲要真係有菠蘿肉可以刮嚟食～
💡 避風塘軟殼蟹 $108 & 松露懶人雞(半隻) ＆ 求其芥蘭 $68
避風塘軟殼蟹炸蒜滿佈，偏辣但正中我口味，避風塘真係辣辣地先過癮，呢度軟殼蟹冇斬兩截，一大舊咁咋🦀，咬落去先夠口感。黑松露香氣撲鼻，雞肉口感嫩滑，外皮都燒得香脆，油脂好似包住晒黑松露嘅味道咁。芥蘭好有心機𠝹咗花，一啲都唔求其，味道上仲係好稱職嘅配角。味道上唔搶戲，但有薑味。緩和返其他濃味菜式。
💡貓山王榴連 $49 & BB雞 ＄49
賣相精緻，榴連味豐富，口感好似布甸，絕對係一道好考功夫嘅甜品，打卡一流。雞仔真係太可愛了，一打開就係流心，食個陣小心啲。奶黃醬好味，又香又濃，甜甜地作為甜品收尾。但令我驚喜係個包，唔會太實，仔細食仲有麵包個種甜味，所以食完唔會好似平時咁超飽。
💡 冷泡茶 白桃烏龍 ＄28 ＆ 瑰麗堂煌 ＄28
本來就有熱茶飲，但夏天又會想飲凍飲。白桃烏龍桃味清香，瑰麗堂煌荔枝味香到扭開蓋就聞到，茶底唔會因為浸耐咗變得太濃。
张贴
