佢哋嘅菜式真係一試難忘
咁啱今日我哋又喺銅鑼灣行完街
就決定再去蒲田！
七點鐘就已經滿曬咗座
個個都有訂位
我就好好彩仲可以walk in
要嚟食好嘢真係一定要預早預約
上次試過一啲正宗嘅福建菜
今次我哋就試下今期蒲田海蠣節
養足三百日嘅海蠣味道真係好唔同
仲有六種唔同嘅食法
我哋叫咗頭水紫菜海蠣煎蛋
同普通嘅蠔餅係唔同
呢度嘅煎蛋口感比較煙
佢嘅海蠣的確係好新鮮 一啲都唔腥
而且十分飽滿
加上紫菜個口感真係幾特別，好好食
屋企人仲大讚煎蛋煎得好靚，唔係好油膩，食多兩件都唔怕肥
除左海蠣，我地仲叫左前菜一品醉蚶
其實我屋企人好少食螄蚶㗎
佢生蒜加醬油，少少辣，好醒神～
獅蚶好新鮮好有鮮味
我哋仲嗌咗閩香洋燒排
佢醬汁比較酸甜而且一啲都唔油膩
一咬就即溶
口感十分之酥軟
1
見枱面有個新指推介
我都想試一試
紅運發財撈起聽就聽得多
第一次試，原來咁多材料
有白蘿蔔絲、甘筍絲、青瓜絲等，仲有薄脆、紫菜等等
仲有三文魚片
撈起撈起，撈到風山水起～
侍應會一邊幫你撈一邊講吉利說話去解釋所用既食材
佢嘅醬汁比較甜仲會加咗啲胡椒粉同埋五味粉落去
我哋兩個人嗌個細size差啲都食唔曬
佢仲有大中小之分
可以安按照人數可以再去訂呀
漁民紫菜燜飯
入面有蠔士，好香啊！
另外我仲有兩杯嘢飲
紅毛榴槤汁同埋冰川楊梅水
楊梅水都幾得意
好似咸柑桔咁
但係佢就係楊梅嚟嘅！
鹹鹹地
紅毛榴槤汁我又唔覺得有榴槤味喎
味道偏甜，都好好飲
