饗和民 (東薈城) (已結業)

【 抵食满足2人套餐 】 系附近行完街，选了飨和民KYO Watami作晚餐。佢地的飨-满足2人套餐真系好抵食，好多选择，而且可以拣好多，一次过可以满足咩都想食的食欲！我地点的套餐食物有：寿喜烧锅，清酒煮蚬，鲤鱼牛油果卷，雨滴饼，日本产鱿鱼烧，精选刺身盛合，半份凯撒沙律。餐饮点了巨蜂提子梳打和热柚子蜜。牛肉寿喜烧锅，牛肉味浓郁，配料都好多，有豆腐，杂菇，京葱同绍菜甜甜地既寿喜烧汤底好惹味，我们原本打算加个乌冬，但念起仲有甜品，就放弃了。 清酒煮蚬几清香。鲤鱼牛油果卷我地都好钟意食，份量都几多件。日本产鱿鱼烧，烧得刚刚好，唔会鞋。精选刺身盛合，刺身都几新鲜。半份凯撒沙律不过不失，但我觉得配红黄椒有点奇怪，红黄椒的味道太突然，遮晒沙律的味道。绿茶小蛋糕，唔太甜，几好味。餐饮热柚子蜜味道较啖，但巨蜂提子梳打就超级好饮，唔太甜，值得一试。这个飨-满足2人套餐整体都唔错，2个人都食得好饱。