影片
更多
2023-04-26
526 浏览
今次一反傳統同班朋友唔食pizza、西餐，一齊去中菜都幾有趣。因為個樣太細個，侍應一度覺得有啲疑惑，都幾搞笑。💡片皮鴨深海大龍躉宴 $1,688 (6位用)1️⃣京式片皮鴨 (一隻) 燒好之後，侍應會拎全隻鴨俾我哋睇，就返入去切片。上枱個陣，有一個蒸籠熱住個皮，一碟配料，只有甜醬、京蔥同青瓜。仲有一碟片皮鴨，一直以為仲會上多一碟，點知就成隻片皮鴨就係得眼前咁多，講真幾失望......我本身係諗可能套餐仲有其他菜式，所以片皮鴨份量先唔算太多，點知睇返menu明明就有寫住(一隻)，後來先知原來其他部份拎咗去做鴨肉生菜包。感覺有少少失望，明明隻鴨燒得唔錯，變做肉碎炒有啲可惜，同埋本身好期待有成隻鴨可以包住食，結果每人食得幾塊，當然都明要留肚食其他菜式啦。講返多少少味道先，鴨肉燒得好香，唔會太油，搭住醬同配料食好好味。2️⃣金沙大蝦球以蛋黃金沙炒，真係好邪惡的說，蝦球質素都唔錯，咬落好彈牙。重口味嘅關係，本身都預一人一隻，所以剛剛好。3️⃣黑松露碧綠炒帶子花枝 & 4️⃣金鑽海皇羹黑松露味唔算好出，不過帶子花枝夠彈牙，都幾好食。本身唔鍾意羹，所以我就冇特別食。5️⃣紅棗雲耳蒸龍躉斑頭腩紅棗味唔係好明顯，龍躉腩真係
💡片皮鴨深海大龍躉宴 $1,688 (6位用)
1️⃣京式片皮鴨 (一隻)
燒好之後，侍應會拎全隻鴨俾我哋睇，就返入去切片。上枱個陣，有一個蒸籠熱住個皮，一碟配料，只有甜醬、京蔥同青瓜。仲有一碟片皮鴨，一直以為仲會上多一碟，點知就成隻片皮鴨就係得眼前咁多，講真幾失望......我本身係諗可能套餐仲有其他菜式，所以片皮鴨份量先唔算太多，點知睇返menu明明就有寫住(一隻)，後來先知原來其他部份拎咗去做鴨肉生菜包。感覺有少少失望，明明隻鴨燒得唔錯，變做肉碎炒有啲可惜，同埋本身好期待有成隻鴨可以包住食，結果每人食得幾塊，當然都明要留肚食其他菜式啦。講返多少少味道先，鴨肉燒得好香，唔會太油，搭住醬同配料食好好味。
2️⃣金沙大蝦球
以蛋黃金沙炒，真係好邪惡的說，蝦球質素都唔錯，咬落好彈牙。重口味嘅關係，本身都預一人一隻，所以剛剛好。
3️⃣黑松露碧綠炒帶子花枝 & 4️⃣金鑽海皇羹
黑松露味唔算好出，不過帶子花枝夠彈牙，都幾好食。本身唔鍾意羹，所以我就冇特別食。
5️⃣紅棗雲耳蒸龍躉斑頭腩
紅棗味唔係好明顯，龍躉腩真係好滑，好原汁原味嘅卞中鮮魚味～
6️⃣鴨鬆生菜包 ＆ 7️⃣鮮百合薏米浸翡翠
終於搵返片皮鴨消失的鴨肉，不過講真我哋會想以片皮鴨方式食多啲。感覺同平時泰式生菜包唔算太大分別，係比豬肉嘅多一陣鴨油香。好少見薏米會咁呈現，成件事都幾養生，又多一碟菜食下都唔錯。
8️⃣客家紅蔥油雞 ＆ 9️⃣蛋白富豪炒飯 & 🔟美點雙輝
油雞好滑好嫩，唔只有青蔥，仲有洋蔥放面，所以上枱就好香。蛋白富豪炒飯正正常常啦，有個飯都係幾開心。美點雙輝係一啲中式炸物作為甜品，有合桃酥同豆沙酥，真係剛剛炸起，有啲熱，不過真係好香口。
💡上湯波士頓龍蝦伊麵 $298
龍蝦都算有啲份量，咬落好彈牙。伊麵都不過不失，一上就好香，調味都唔錯。
整體都不錯，仲見到有海景位，唔知洗唔洗特別預訂，不過都幾夠食。撇開片皮鴨有啲無奈之外，菜式味道同份量都唔錯，下次會試試飲茶。
张贴
