12
1
3
等级4
231
4
我老豆食嘢要求高,又嘴刁,锺意食海鲜;我哋每年谂餐厅庆祝谂到头都大,今年姐夫竟然大胆提议话请老豆去食海鲜,连餐厅都决定埋,我同家姐细佬梗系唔畀意见,坐定定等食啦~餐厅毗邻魔鬼山,食饭之前可以睇埋日落,一家大细行都完全冇难度。餐厅门面光猛阔落,楼底高,有2层,楼上座位以房间形式为主,隐私度高,适合私人宴客形式。我们坐的房间有海景,可能我到嘅时候已经入黑,享受不了。就着餐厅员工的介绍和我们的喜好,我们有大有细,一共6大2小,点了很多不同嘅海鲜,包括带子、蛏子、虾、濑尿虾和龙虾等,超丰富。海鲜汤来之前看过食评,很多人都大赞这里嘅海鲜汤足料够鲜味,今次试过後,发现的确鲜味十足,而且材料丰富,里面除了有鱼虾之外,还加入了蚬肉、木瓜、芥菜、蕃茄、红萝卜和豆腐等,喝起来鱼鲜味浓,清甜而不腻,一点也不腥,反而,喝完也不觉有半点负担,连平日不会主动喝汤嘅5岁小姨甥也喝了两碗,十分难得。要说的是,呢餐饭嘅每道海鲜味道都相当不俗呢。生炒骨生炒骨同样系呢度嘅招牌菜,店员介绍话午饭时间好多人会点。排骨炒得好惹味,酸甜味恰到好处,十分开胃;炸粉厚薄适中,入口松脆,如果可以多啲菠萝就好喇~不过,如果同海鲜比较,一定
更多
我老豆食嘢要求高,又嘴刁,锺意食海鲜;我哋每年谂餐厅庆祝谂到头都大,今年姐夫竟然大胆提议话请老豆去食海鲜,连餐厅都决定埋,我同家姐细佬梗系唔畀意见,坐定定等食啦~餐厅毗邻魔鬼山,食饭之前可以睇埋日落,一家大细行都完全冇难度。
12 浏览
0 赞好
0 留言

餐厅门面光猛阔落,楼底高,有2层,楼上座位以房间形式为主,隐私度高,适合私人宴客形式。我们坐的房间有海景,可能我到嘅时候已经入黑,享受不了。

就着餐厅员工的介绍和我们的喜好,我们有大有细,一共6大2小,点了很多不同嘅海鲜,包括带子、蛏子、虾、濑尿虾和龙虾等,超丰富。

海鲜汤
来之前看过食评,很多人都大赞这里嘅海鲜汤足料够鲜味,今次试过後,发现的确鲜味十足,而且材料丰富,里面除了有鱼虾之外,还加入了蚬肉、木瓜、芥菜、蕃茄、红萝卜和豆腐等,喝起来鱼鲜味浓,清甜而不腻,一点也不腥,反而,喝完也不觉有半点负担,连平日不会主动喝汤嘅5岁小姨甥也喝了两碗,十分难得。
海鲜汤
9 浏览
0 赞好
0 留言

要说的是,呢餐饭嘅每道海鲜味道都相当不俗呢。

生炒骨
生炒骨同样系呢度嘅招牌菜,店员介绍话午饭时间好多人会点。排骨炒得好惹味,酸甜味恰到好处,十分开胃;炸粉厚薄适中,入口松脆,如果可以多啲菠萝就好喇~不过,如果同海鲜比较,一定系海鲜出众好多!
白灼海中虾
11 浏览
0 赞好
0 留言

白灼海中虾
除咗海鲜汤,另一样令我姨甥仔食得津津有味嘅就系白灼海中虾。虾够大只够新鲜,肉质实净,食落爽口弹牙,唔沾豉油都好好食,食到虾肉嘅鲜甜味,姨甥仔自己一个食咗差唔多半碟。

蒜蓉粉丝蒸元贝
粉丝煎元贝差唔多海鲜餐必食嘅嘢,热气腾腾嘅元贝一大盘端出来,卖相非常吸引,有气势;加上蒜香味,令人食指大动。必须强调的是,带子超级大只,你看,每只都大约我姐的手掌,大大只,又饱满厚肉,够肥美,吃起来弹牙唔乾身,爽甜无渣,伴着蒜蓉粉丝一齐食,十分惹味。
蒜蓉粉丝蒸元贝
4 浏览
0 赞好
0 留言

豉椒蛏子皇煎米粉
餐厅推介煎米粉,话系大厨推介菜式,咁我哋都无理由唔试。加上老豆锺意食蛏子,就一於试下。见到庐山真面目,煎米粉随即成为全场焦点,大家变得超雀跃,叫我快啲影完等佢哋可以食。
豉椒蛏子皇煎米粉
6 浏览
0 赞好
0 留言

蛏子劲大只,胀卜卜,同平时妈咪喺街市买返屋企烹调嘅真系完全唔同。食落爽口无沙,而且啖啖肉;一问之下,原来系高质货,系嚟自爱尔兰嘅蛏子!蛏子以外,煎米粉绝对更加系加分嘅一环。入口酥脆如锅巴,配上味浓但唔咸嘅豉椒汁,份外惹味,两者简直系绝配。

椒盐濑尿虾
呢味海鲜系我老豆嘅至爱,出街食海鲜必食嘅。一碟有2只濑尿虾,同平时长过手指多啲嘅真系相差好远,原来可以咁大只。你睇,每只濑尿虾都舖满椒盐,食嗰阵咸咸哋,又辣辣哋,香口惹味,正~食呢款濑尿虾,一定要舔晒成只虾殻,舔埋手指先系最高境界!唔怕话你知,我哋ENCORE咗呢味餸,因为真系太精彩,老豆好锺意~第2碟嚟嘅虾仲要更加大只,更多肉之余,仲有埋膏,好CRAZY!
芝士焗龙虾(伊面底)
12 浏览
0 赞好
0 留言

芝士焗龙虾(伊面底)
这个芝士焗龙虾配伊面有别於平时吃嘅芝士焗龙虾,嚟到嗰阵,入面啲芝士仲滚紧,令人食指大动。另外,平时食呢个餸,会因为芝士太腻,调味太浓,会一啖起两啖止,但呢个系完全唔会,反而令我食完一啖又一啖,一啲都唔觉漏。

唔知你有冇留意到,呢个芝士焗龙虾嘅芝士颜色偏黄,同喺其他餐厅食嘅唔同,问咗老板,原来系用咗比较另类嘅西西利岛芝士,我更加系听都未听过啦~~~就系呢个芝士焗龙虾,令平时唔系好锺意食呢个餸嘅我都食过返寻味,有心机去品嚐啲龙虾,虾肉劲饱满厚肉,食落爽弹有口感,令人忍唔住食多几件。伊面烟韧,配埋个芝士汁真系无得顶。

值得一提嘅系,呢盘芝士焗龙虾真系好大盘,好似脸盆咁大,大盘过隔离煲汤。我哋打包返屋企,第2晚食一样咁好味,虾肉都系爽,无变霉到,好神奇呀!

招牌椰皇
甜品压轴登场!听说呢个系汉记嘅镇店之宝,系上手嘅招牌甜品,老板接手嗰阵,要求上手教授先得似保留,不过都唔完全系100%原来嘅秘方。听讲制作过程好复杂,差唔多要成个钟,我地无提早预订,数量有限,所以就2人share 一个嚟食。
招牌椰皇
5 浏览
0 赞好
0 留言

本身睇个样谂住无咩特别,好似布甸口感,甜甜哋咁。但原来诚意十足,除咗用原个椰子上之外,仲用返椰子水,加入蛋白和日本3.6牛奶去原个炖,完全无添加糖份,食落唔只滑,而且有好滋润嘅感觉,绝对系健康好味又打卡able嘅甜品!如果大家想食,建议订位个阵预留埋~

今餐真系大满足!重点系,连平时出街食饭弹三弹四嘅老豆都赞,仲话下次要再嚟,就知道水准唔会差得去边。我同家人都觉得厨师功力好够,每款食材都拿捏得好好,绝对值得大家一试。

最後仲有好大碟生果盘~
水果盘
9 浏览
0 赞好
0 留言

因为餐厅系鲤鱼门,我喺食饭之前就先约朋友行个靓山,之後再JOIN屋企人去食晚饭~魔鬼山唔难行,睇日落真系一流,一家大细行都完全冇难度。不过我当日就嫌路线短,想行一个下昼,就去埋石矿场段,最後附上靓景畀大家望下啦。

(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2021-12-12
用餐途径
堂食
人均消费
$500 (晚餐)
推介美食
海鲜汤
白灼海中虾
蒜蓉粉丝蒸元贝
招牌椰皇
水果盘
  • 椒盐濑尿虾
  • 豉椒蛏子皇煎米粉