麻辣風雲 (京都廣場) (已結業)

鐘意食辣既朋友仔相信對麻辣風雲都不陌生，佢地除咗招牌酸菜魚，亦提供多款川菜、小炒、毛血旺、乾鍋等等🌶️ 另外亦唔少得人氣炸饅頭! 最近佢地午市新推出左螺螄粉😍有唔少身邊既朋友都會怕臭所以抗拒，不過試過又比想像中好😝 _🍜砂鍋螺螄粉食螺螄粉最緊要當然係個湯底啦🥣餐廳表示用左大量嘅螺螄、豬骨🦴、雞🐥再加多種香料熬製而成🤩湯底飲落濃而不咸😋砂鍋螺螄粉跟左6️⃣款嘅配料，包括木耳、蘿蔔乾、酸豆角、酸荀等😉佢地亦選用左正宗柳州特有米粉🍝食落比平時嘅米線更滑更爽口😆 另外特別推介炸蛋🥚外表香脆蛋香味十足，仲可以索哂湯底精華😆平時好少見🥰 🐟招牌酸菜魚 估唔到午市套餐都有咁大碗，可以自選辣度 ，今次小編就揀左中辣普通酸，魚肉唔腥又滑 仲要冇骨😎配菜有芽菜、豆卜同寬粉，跟餐仲配左白飯送飯一流🍚 🦴惹味雞軟骨小編幾鐘意個調味，麻麻辣辣好香口，雞軟骨食落好爽有咬口，值得一試 🥒陳醋手拍青瓜 手拍青瓜夠爽脆，加入陳醋入口清新開胃 🍋冰凍鮮檸檬梳打餐廳有多款飲品選擇， 檸檬清香，甜度適中，好清新