廚師帽 (已結業)

Lunch time無預備嘅情況下成班人係真係唔知食咩好，同事就提議呢間，一定有位。上年都有嚟過呢間，印象中都係一般，無咩特別。依家變咗做一定有位嘅飯堂，佢好大間，坐極都有位，只要你唔係廿人黎，感覺佢都砌到位俾你。唔知可以坐到幾多人，位都舒服嘅。選擇無之前多，同事話佢地再早期黎係有越南泰國嘢揀。我地一致認為佢豬仔骨係最抵食，58元都幾大塊，味道都幾好嘅。我就叫咗黑松露蘑菇意粉，我以為都會有啲肉，原來無，全菇，味道都ok嘅，飛水都飛得足，黑松露陣味都幾勁，汁可以多啲會較好。