波士冰室 (已結業)

【荃灣區】【波士冰室】又嚟到荃灣區，見到呢篇嘢熟口熟面其實都係正常嘅，因為之前寫荃灣區嗰篇係寫佢附近嗰間牛奶冰室，而兩餐亦都係喺好接近嘅時間食，因此風格相近都係合理。不過我記得好似係呢間波士冰室開先嘅，唔知有冇記錯，有錯請指正。其實我唔記得自己喺邊度都見過呢間波士冰室，應該係荃灣城市中心，翻查資料係嗰間執咗，然後開咗過嚟。太耐冇嚟荃灣，好多時序都搞到亂晒。其實我細個喺荃灣生活過，之後又喺荃灣返過工，再之後又間中喺呢邊拍拖，所以係幾混亂吓。不過最近點解又會無啦啦入咗荃灣兩次仲要食埋嘢呢，其實係因為咁啱要去嗰邊嘅中南圖書買文具。記得之前有位我好疼惜嘅女仔同我講，唔好淘寶買文具，好啦，咁所以我就去貴幾倍嘅中南買。不過睇返，啲友話中南係藍店，咁即係點？唔諗咁多喇，女講嘅嘢就係硬道理，我要做嘅嘢就係跟住做，咁就可以喇。中南斜對面有我之前講過嘅牛奶冰室，再過幾個舖位就會見到呢間波士冰室。同好多其他新派嘅港式冰室一樣，佢門口都會有賣出爐麵包，不過我要食正餐就入去啦。雖然一入去被侍應「放置」，不過之後叫嘢食都算順暢。我叫咗個「手打牛肉煎蛋漢堡伴薯條」，侍應提我冇太陽蛋，得反蛋，是但啦，你話咩就咩啦。之