影片
更多
2011-03-18
135 浏览
今日約左好友【慕然】, 及她媽媽一起去南丫島一遊。早上我九時出門口 , 先在巴士總站食個西式早餐 , 飲杯熱奶茶提提神先 , 十點十五分我坐巴士 , 到荃灣綠楊新邨 , 十點四十分到【慕然】屋企會合 , 之後一齊三個人出發 , 先坐地鐵轉車去 IFC , 再步行十分鐘多到港內線碼頭 , 到達碼頭十一點四十分 , 之後原來【慕然】表妹【詠雯】又到 ,一行四人坐船到南丫島 , 經過約 20~25分鐘船程到達 , 我全程訓覺好舒服 , 始終今早較早起身嘛...嘻嘻! 到達南丫島碼頭 , 會合【慕然】的姨媽及姨丈 , 一齊到呢間【舢舨】午飯 , 我o地坐出面露天茶座 , 但都有瓦遮頭 , 望出外係對住個海 , 其實都幾舒服。先後叫左『咕嚕肉 + 粟米斑塊 + 炸大腸 + 羅漢齋 + 紅燒豆腐 + 薑汁菜甫芥蘭粒炒飯』, 另一罐無糖汽水【慕然】飲。 先講『咕嚕肉』, 呢碟味道 OK 唔太酸 , 糖醋開得唔錯 , 但份量覺得好似例牌 , 以大酒家分數計 , 值 70 分啦。 『粟米斑塊】, 粟米茨汁太濃及唔夠 , 但斑塊唔錯同埋份量好多 , 只係茨汁覆蓋唔哂斑塊 , 食落好乾身好似食緊麥樂雞咁。
早上我九時出門口 , 先在巴士總站食個西式早餐 , 飲杯熱奶茶提提神先 ,
十點十五分我坐巴士 , 到荃灣綠楊新邨 , 十點四十分到【慕然】屋企會
合 , 之後一齊三個人出發 , 先坐地鐵轉車去 IFC , 再步行十分鐘多到港內
線碼頭 , 到達碼頭十一點四十分 , 之後原來【慕然】表妹【詠雯】又到 ,
一行四人坐船到南丫島 , 經過約 20~25分鐘船程到達 , 我全程訓覺好舒
服 , 始終今早較早起身嘛...嘻嘻!
到達南丫島碼頭 , 會合【慕然】的姨媽及姨丈 , 一齊到呢間【舢舨】午
飯 , 我o地坐出面露天茶座 , 但都有瓦遮頭 , 望出外係對住個海 , 其實都
幾舒服。
先後叫左『咕嚕肉 + 粟米斑塊 + 炸大腸 + 羅漢齋 + 紅燒豆腐 + 薑汁
菜甫芥蘭粒炒飯』, 另一罐無糖汽水【慕然】飲。
先講『咕嚕肉』, 呢碟味道 OK 唔太酸 , 糖醋開得唔錯 , 但份
量覺得好似例牌 , 以大酒家分數計 , 值 70 分啦。
『粟米斑塊】, 粟米茨汁太濃及唔夠 , 但斑塊唔錯同埋份量好
多 , 只係茨汁覆蓋唔哂斑塊 , 食落好乾身好似食緊麥樂雞咁。
『炸大腸』, 呢樣以前細個時好鍾意食 ,但現在我就麻麻地 ,
皆因人年紀大左健康為重嘛! 大腸我覺得炸得唔夠 , 擺上枱好快冷卻 , 凍
左就好似食塑膠咁 , 認真唔多掂!
『羅漢齋』, 少油健康o岩老人家食 , 內有支竹、雲耳、粟米
仔等...但竹筍有鉆板味 , 食落有反胃及作嘔感覺...差!
『紅燒豆腐】, 豆腐夠滑但茨汁唔夠味 , 伴幾樣少份量菇類伴
炒 , 呢味好淡口冇香味 , 但可以話用料係健康 , 但令我提唔起食慾 , 麻麻!
最後一樣『薑汁菜甫芥蘭粒炒飯』, 我第一次食覺得幾新奇 ,
薑汁醒胃, 菜甫增進食慾 , 芥蘭粒爽脆好鮮甜 , 蛋飯炒得好金黃好乾身 ,
有水準 , 唔錯!
現場好多狗隻行近想你俾野佢食 , 對於怕狗o既食客就要留意 , 但南丫島
居民一般都十分鍾意狗隻 , 同埋好多不知名主人o既狗 , 都係好乖好純。
坐到二點左右【慕然】主動請客埋單 , HK$503 元計埋茶芥及汽水 , 六個
菜平均每個菜大約 HK$80 元 , 我覺得以普通菜式o黎講 , 真係貴得離哂譜 ,
又唔係食海鮮 , 直頭係想生劏食客 , 貴過去布袋澳食添呀!
我代【慕然】行入去鋪內櫃枱埋單時 , 果個類似老闆帶眼鏡男子 , 計左好
耐數都好似計唔清咁 , 我等得唔耐煩先去洗手間 , 洗手間非常邋遢又淺窄 ,
真係去隔離個公廁好過呀! 之後埋單貼士我一蚊都唔俾。
講服務 , 只有兩個阿姐侍應較好及有笑容 , 其他男侍應黑口黑面 , 有一個
長金髮男子 , 問佢好似唔想答咁。咁o既價錢『真係接受唔到囉!』, 下次
一定唔會幫襯 , 我相信下次會行入o的 , 幫襯街坊生意茶餐廳算 , 起碼貴得
有譜先
期間我不停拍攝四周景色 , 但今日天陰好彩冇落雨 , 影出o黎效果都還 ok ,
南丫島村內行人路好窄 , 好多地方都有工程及修路 , 又多細小運載貨物汽
車穿梭 , 其實都幾危險 , 小心!
行到下午四點半多離去 , 【慕然】表妹先送我o地到 IFC 地鐵站 , 之後到荃
灣地鐵站各散 , 我坐巴士自己返屋企。
张贴
