十下火鍋

【烚下烚下😋十下火锅】店内装饰得好有特色，好似旧屋邨咁，墙上挂满复古嘅海报同相片，仲有啲旧式电视📺同电话☎️。气氛怀旧，仲播住经典广东歌。而且坐位宽敞，唔会觉得迫💯我同朋友点咗个二人套餐，我哋拣咗鸳鸯汤底，一边系十下麻辣锅，一边系胡椒猪肚汤。十下麻辣锅系佢哋自家调制嘅汤底，🌶️辣度啱啱好，汤底香浓，入面仲有鸭血！麻辣同埋鸭血真系绝配嚟🥰胡椒猪肚汤系用新鲜猪肚同胡椒熬成，暖胃又滋补套餐嘅食材丰富，有大刀手切本地牛颈脊、花雕醉鸡、十下三宝滑、麻辣鸭血、凤城水饺、三星葱爆贡丸、蔬菜拼盘🤓本地牛颈脊系厚切，分量够多，牛肉味非常浓郁。用醉鸡🥃嚟打边炉都系第一次，腌得好够味，每一啖都有酒嘅清香。十下三宝滑，比较特别嘅系有发菜蚝豉牛筋滑，另外墨鱼滑同埋虾滑，都非常弹牙。另外仲有啖啖都系虾肉嘅凤城水饺。仲有葱味满满嘅三星葱爆贡丸😋二人套餐入边仲有麻辣鸭血同埋蔬菜拼盘。基本上其实都一定够饱🤭