Sense Cafe (已結業)

【油尖旺区】【Sense Cafe】今晚系同我生命中一个好重要嘅人食饭，难得可以约到佢，我都隆重其事，返屋企换过件衫再出嚟。不过要我拣食乜都真系难，平时我唔系打边炉就烧肉，其他嘢真系唔知头唔知路，唔好以为我系 foodie 就好把砲至得架。佢哋嘅晚餐系配埋「精选沙律」同「餐汤」，系一个唔错嘅蘑菇汤，浓而不咸，几好。我哋 share 食嘅，首先系 $145 嘅「鲜茄大虾带子扁意粉」，个茄酱都几浓，另外海鲜配料都几多，一碟里面足足有八只虾，唔系讲笑。另外仲叫咗 $195 嘅「露丝玛莉羊架」，唔使审都知呢碟主力系孝敬我。佢有成四件，而且系厚肉𠮶只，绝不欺场，净系份量呢一点已经讨好到我。然后啲肉都几好味，本身落嘅调味料都够味，唔使点酱，当然点咗就别有滋味。嘢饮方面，我哋都加咗 $8 要特饮，分别系「热情果果茶」同埋「牛奶朱古力」，我系饮后者嘅。首先我𠮶杯系有拉花嘅，外观一流，饮落亦都唔会话劲甜𠮶只朱古力，几好饮。加埋一之后埋单价 $392，算系几好嘅体验。。。（地址：佐敦白加士街 56 号凯豪商业大厦一楼）#1amfoodie #foodie #hkfoodie #thatfoodiethin