潮食居酒屋 (已結業)

【油尖旺區】【潮食居酒屋】同美女朋友喺高鐵站附近搵嘢食，圓方嗰啲食唔起，正路就梗係去渡船街呢啲老牌美食區啦。但係嗰頭都淡咗好多，個氣氛搞到冇乜嘢食咁。不過就被我搵到間開張唔係好耐嘅隱世小店，今次呢餐就點都要講㗎喇，我做 foodie 都係為咗要推薦呢啲小店。.點解無啦啦我講到咁激動，就唔係淨係因為餐廳門口有隻好靚嘅粉紅傻豹可以打咭咁簡單，而係佢哋啲定食套餐實在係好食，同埋係勁抵食！好似呢份 $108 嘅「超級鰻魚飯」，抱住一試嘅心態去叫，點知上菜真係嘩咗聲出嚟，佢係原條嘅鰻魚成條咁上呀。.味道方面，都整得相當出色，鰻魚口感順滑而唔會潺，醬汁亦都配搭得宜。美女朋友試嘅係 $108 嘅「安格斯牛排配夢王蛋飯」，佢哋唔係用牛肉片，而係真係用牛扒切塊咁落嘅，食落味道濃香而口感又鮮嫩豐腴，配埋夢王蛋撈埋日本珍珠米嚟食，邪惡到呢。.套餐仲有前菜、味噌湯，兩者都唔錯嘅，跟住試碟 $70 嘅「日式炒雜菜」，都好正。飲品方面我哋飲熱茶都冇乜問題，加 $15 試杯「巨峰乳酸」，亦都係又濃又香嘅。埋單都係三百蚊鬆啲，我覺得係我今年暫時食過最抵食嘅一餐，仲要喺佐敦，冇得輸呀。。。.（地址：佐敦文蔚街25-32