影片
更多
2019-09-12
11719 浏览
朋友想食火鍋，周圍搵有咩選擇，知道呢間係深圳好出名嘅台式火鍋黎左，即管試試。門口有「仙氣」，有煙，係幾吸引人影相同video。朋友6點半就到拎位，佢會留你電話，就黎有位會打俾你。門口有茶同小食招待下，又幾貼心，知道大家會餓。出面睇以為好細，入到去係好靚。少暗嘅環境，營造一種高檔次嘅感覺。每人指定係要另加19元係醬油白飯生果區，有啲味道都幾特別，可以試下。叫左鴛鴦鍋，紅顏同花膠湯底，可以免費追加鴨血、豆腐，佢寫可以拎回家呢。因為我地食過台灣火鍋，都喜歡台灣個種豆腐，呢度嘅豆腐係皺啲，無咁好味，豬紅還可以，不過唔會有想狂追加嘅情況。先試湯底，花膠湯底係足料，味道偏濃，店員提我地要經常攪下，以免痴底。而麻辣湯底，唔算死麻，算係溫和。先上嘅係加拿大松板肉，98元，上枱個陣大家都覺得好靚，肉夠簿，唔駛等好耐食得，記得落湯後要主動整散佢，佢都幾實，如果唔係有啲位會唔熟。肉唔錯，有啲似豬頸肉。牛板腱，118元，佢看似整舊都係，其實下面係菜，唔算好多，類似係超市買一盒。味道還好，牛肉唔算重。蝦滑，68元，呢個唔錯，攪得均匀，味道吸左小小湯夠味。店員好好，幫我地整。呢個時蔬拼盤，138元，真係好大盤，上
門口有「仙氣」，有煙，係幾吸引人影相同video。朋友6點半就到拎位，佢會留你電話，就黎有位會打俾你。門口有茶同小食招待下，又幾貼心，知道大家會餓。
出面睇以為好細，入到去係好靚。少暗嘅環境，營造一種高檔次嘅感覺。
每人指定係要另加19元係醬油白飯生果區，有啲味道都幾特別，可以試下。
叫左鴛鴦鍋，紅顏同花膠湯底，可以免費追加鴨血、豆腐，佢寫可以拎回家呢。因為我地食過台灣火鍋，都喜歡台灣個種豆腐，呢度嘅豆腐係皺啲，無咁好味，豬紅還可以，不過唔會有想狂追加嘅情況。
先試湯底，花膠湯底係足料，味道偏濃，店員提我地要經常攪下，以免痴底。而麻辣湯底，唔算死麻，算係溫和。
先上嘅係加拿大松板肉，98元，上枱個陣大家都覺得好靚，肉夠簿，唔駛等好耐食得，記得落湯後要主動整散佢，佢都幾實，如果唔係有啲位會唔熟。肉唔錯，有啲似豬頸肉。
牛板腱，118元，佢看似整舊都係，其實下面係菜，唔算好多，類似係超市買一盒。味道還好，牛肉唔算重。
蝦滑，68元，呢個唔錯，攪得均匀，味道吸左小小湯夠味。店員好好，幫我地整。
呢個時蔬拼盤，138元，真係好大盤，上枱個刻嚇親。食菜都食得我地4個好飽，算新鮮，同埋簿片，容易可以好快食得。
丸類拼盤，108元，有豬，魚，蝦，每樣3粒，我有食到蝦滑同蝦丸，感覺兩者味道相似，只係丸比較實同滑小小。
中間有出過沙冰，由於唔太令我地想話繼續食。呢個梅子果凍係送，果凍係茶，呢個反而幾好。
整體還好，環境係幫左好多。單點火鍋價錢算係合理，我地每人都係250元內。不過唔算係好好食，食物上質素好啲會係好好。只能講佢感覺好似台灣，但未能比得上真正。
张贴
