🌗濱松町卷 $138
一碟六件，外觀上賞心悅目，每件味道都唔同，面層係劍魚、鰻魚、三文魚、北寄貝、魷魚等，食左兩件都覺得蛋嘅存在感太高，蓋過左面層海鮮嘅味道。
🌖上刺身盛 （五點二切） $248
五點分別係八爪魚、三文魚、甜蝦、油甘魚、赤貝。全部都好厚切同新鮮！
🌗蟹肉蟹膏炒飯 $128
炒得好乾爽，不過蟹肉同蟹膏味道唔突出，唔係好覺眼🤔。
🌖石狩廣島蠔煲 $138
蠔🦪好重味，自問頗喜愛蠔嘅我都有少少頂唔順，反而湯底唔錯，蠔嘅味道注入湯底之中得黎又未至於太強烈👍🏻。
🌕焦糖布丁🍮大福
呢個有驚喜！免費之餘好好味！外層糯米粉唔會太厚/太軟/太硬/太黏，內餡味道唔會太甜又夠soft，推介！
