今年平日晚市到訪發現有新的Tasting Menu，
如想週末到訪建議試試Brunch，同樣性價比高又出色！
晚市Tasting Menu一個價錢食到前菜，主菜及甜品，
食物是由廚師選擇，保證讓食客食到最經典的菜式！
當日我們不食牛及貝殼類，菜牌仍滿足到要求，加分！
🍴La Burrata
經典意式前菜之一！
新鮮番茄配以Burrata芝士，再加入香草及橄欖油；
Burrata口感柔滑細膩，入口即溶，
味道濃郁，開胃又好味！
🍴Salmon Tartare
三文魚入味，配以酸奶油，
口感層次豐富！
1
🍴Cheese Wheel Al Tartufo
絕對是最期待的主菜！芝士控必點！
店員即場將通粉撈入芝士輪中，極邪惡！
再刨上大量芝士碎及松露片，未食都覺得滿足！
意粉口感煙韌，啖啖香氣，絕對是視覺與味覺的雙重享受！
🍴Yellow Chicken Arrosto
整隻黃油雞上菜，賣相極吸引！
影相後，店員更會幫切件，好貼心！
黃油雞外脆內嫩，口感出色，
配菜薯仔亦烤得香脆，味道一點都不失！
🍴Seared Cod Fish
魚肉份量極多，肉質新鮮嫩滑，
配以檸檬牛油汁，細膩中帶點Creamy！
🍴Tiramisu
Pirata Group的甜品一向出色，
Tiramisu用杯裝著，兩人Share都十分足夠！
入口順滑，味道不會過甜，大力推薦！
