臻一鮨 (已結業)

今次係留意到尖沙咀重廈大廈下面多咗個好令嘅新裝修商場，入面有唔少打卡位都餐廳，呢間係特別出面有超多恭賀開張嘅花籃，就諗住入去試試。入去嘅時候未開始叫野食，餐廳員工就已經拎咗一set花茶比我話係餐廳送，茶具超別緻仲要係我好鍾意嘅桂花茶，真係未食就已經對間餐廳有好感🤣———————————————🌟特上剌身盛六點（兩切）$388呢份刺身嘅份量其實可以兩個人食，除牡丹蝦以外其他都係有兩塊。六點包括有油甘魚、三文角、赤身吞拿魚、海膽、帆立貝同牡丹蝦。我個人認為帆立貝係最好食，佢會將兩粒再切開兩份夾住一小片檸檬，食落有少少清新之餘仲可以食到帆立貝嘅鮮甜味。海膽份量都唔錯而且食落都係好鮮甜，餐廳仲比咗超多紫菜我🤣除吞拿魚會多筋少少以外，其他都係非常滿意～.🌟和牛稻庭烏冬 $128呢個烏冬佢仲可以好多客製化選擇，包括少烏冬、湯份量同埋和牛都可以選擇全熟或者半生熟，我就選擇咗後者。不過食嘅時候可能因為湯偏熱，所以都有少少全熟感覺，牛肉份量都算多而且牛味重，會有少少筋位。我覺得個湯底係最值得欣賞，味道感覺就係清清地嘅牛肉湯，配上煙韌嘅稻庭烏冬，份量都算多食到個人超飽🤣.🔸整體評價🔸餐廳內部環境都好新好令