喜天丼 (已結業)

今次尖沙咀經過一間餐廳係專食天婦羅，位置唔算起眼，小店入面充滿日式風格亦一直播放流行日文歌，以前會食開天婦羅餐廳都已經結業，難得遇到一間新小店所以決定試一試。———————————————🌟 伊勢海老天丼 $198第一次食到澳洲龍蝦天婦羅，真係好驚喜！成隻龍蝦都起曬肉，份量十足，唔會煮得過熟，每件肉質都好爽口彈牙。除咗龍蝦之外，仲有茄子、秋葵、南瓜、蓮藕、冬菇同流心玉子，炸物外層非常香脆而且薄身，配埋餐廳特製天婦羅汁，真係一流。😍主食方面我揀咗熱手打烏冬，粗身煙韌，配上清淡嘅湯底，完美襯托出天婦羅嘅味道。🌟 海鮮天丼 $148呢個海鮮天丼材料豐富，海虎蝦、沙錐魚、穴子、松葉蟹鉗，每樣都好鮮甜。海虎蝦特別大隻，肉質紮實有彈性，真係啖啖肉嘅感覺。除咗海鮮，仲有茄子、蓮藕、冬菇同流心玉子。主食我揀咗日本米飯，飯粒淋上特製天丼汁，真係超好味。🌟 唐揚雞軟骨 $32雞軟骨亦係一個驚喜，$32嘅價錢份量非常多，炸得金黃香脆，外脆內嫩，配少少醬汁食，真係非常好食，推薦必試！👍🏻🌟 飲品：信州蘋果梳打／富士山柚子梳打 $26飲品方面，我揀咗信州蘋果梳打同富士山柚子梳打，果味濃郁，甜度適中，特別清新解膩