茶木‧台式休閒餐廳 (杏花新城) (已結業)

帶左小小豬返學之後，又係我輕鬆時刻，因為約左好友拎手信，之後就齊齊去茶木歎返個TEA~茶木其實我都去過好幾次，不過大多數都係去尖沙咀或者銅鑼灣嗰間，今次我地就近近地入去左杏花新城依間，估唔到個環境又幾舒服，靜靜地最啱傾計呀~ 先嚟一杯下午茶附送嘅柚子蜜，好香柚子味得嚟又唔太甜~ 黑蒜油雞翼手作麵~ 雞翼醃得好入味，手作麵都好彈牙，如果麵嘅份量可以再多少少，咁就非常好了(我知...依個係下午茶，份量少啲都合情理...哈哈哈)~ 原來依家只要上載一張「奶蓋一下」相片到FB，之後再tag三位朋友，再加一個hashtage，就可以免費有得飲一杯奶蓋飲品~ 哈哈哈...師奶仔的我當然唔放過機會，當然都玩埋一份，我依杯《宇治抹茶奶蓋》個抹茶味好重得嚟又冇蓋過奶香味，都唔錯呀~ 依間茶木都幾舒服，所以下次再約朋友食飯可以考慮依間，唔洗出去同人迫迫咁等位嘛！