獅房菜

Lion Rock
134
5
4
等级2
22
0
慶祝我哋拍拖8周年,喺Openrice度睇完一大輪,決定去食呢間中菜廚師發辦。其實我一直覺得好多高質中菜好精緻,唔止係擺盤,而係煮嘅時候已經係功夫菜,廚師發辦又好,N道菜又好,中菜絕對夠格。今次呢餐亦都冇令我失望,9道菜,仲做緊買一送一限時優惠($1088),非常驚喜。第一道︰頭盤,藤椒墨魚、象拔蚌、梅酒赤貝啫喱(5/5分)一上菜就「仙氣飄飄」,現場效果好靚,但影相有難度。海鮮口感Q彈,醬料配搭適中,幾開胃,令人期待下一道菜,唯一係啫喱食落比較似甜品,覺得有啲格格不入。第二道︰龍蝦蟹油炒蛋(5/5分)用料足,龍蝦鮮甜彈牙,金黃嘅蛋口感濃稠有蟹油香,加上面頭嘅脆脆,入口層次更豐富。第三道︰酸菜松茸鯛魚湯包(5/5分)酸菜湯胡椒味辣得嚟唔會太刺激,松茸據介紹係煎過,以增加湯水香味,但食落作用不大,但整體配搭都係好嘅,個湯包餡料充足,剁碎咗嘅各式餡料,每一啖都好滿足。第四道(原菜單)︰A5仙台牛(5/5分)老公二話不說就摷亂咗,其實本身擺盤係靚啲嘅。由於我唔食牛,呢碟我冇食度,據介紹係紅酒烹煮,老公表示好食。點好食法呢,佢只係重複好食……第四道(轉換後的菜品)︰黑毛豬叉燒(5/5分)同餐廳講
更多
慶祝我哋拍拖8周年,喺Openrice度睇完一大輪,決定去食呢間中菜廚師發辦。
其實我一直覺得好多高質中菜好精緻,唔止係擺盤,而係煮嘅時候已經係功夫菜,廚師發辦又好,N道菜又好,中菜絕對夠格。
今次呢餐亦都冇令我失望,9道菜,仲做緊買一送一限時優惠($1088),非常驚喜。

第一道︰頭盤,藤椒墨魚、象拔蚌、梅酒赤貝啫喱(5/5分)
墨魚、象拔蚌、梅酒赤貝啫喱
28 浏览
0 赞好
0 留言
一上菜就「仙氣飄飄」,現場效果好靚,但影相有難度。
海鮮口感Q彈,醬料配搭適中,幾開胃,令人期待下一道菜,唯一係啫喱食落比較似甜品,覺得有啲格格不入。

第二道︰龍蝦蟹油炒蛋(5/5分)
龍蝦蟹油炒蛋
43 浏览
0 赞好
0 留言

用料足,龍蝦鮮甜彈牙,金黃嘅蛋口感濃稠有蟹油香,加上面頭嘅脆脆,入口層次更豐富。

第三道︰酸菜松茸鯛魚湯包(5/5分)
酸菜松茸鯛魚灌湯包
8 浏览
0 赞好
0 留言

酸菜湯胡椒味辣得嚟唔會太刺激,松茸據介紹係煎過,以增加湯水香味,但食落作用不大,但整體配搭都係好嘅,個湯包餡料充足,剁碎咗嘅各式餡料,每一啖都好滿足。

第四道(原菜單)︰A5仙台牛(5/5分)
A5仙台牛
21 浏览
0 赞好
0 留言

老公二話不說就摷亂咗,其實本身擺盤係靚啲嘅。由於我唔食牛,呢碟我冇食度,據介紹係紅酒烹煮,老公表示好食。點好食法呢,佢只係重複好食……
第四道(轉換後的菜品)︰黑毛豬叉燒(5/5分)
黑毛豬叉燒
10 浏览
0 赞好
0 留言

同餐廳講咗我唔食牛,佢哋好貼心地為我轉咗做豬。呢個叉燒厚而不柴,肥肉部分入口即化,肥而不膩,我呢啲平時拒絕肥肉嘅人都肯食。左邊黃色嘅醬係芥末醬,似平時燒味配搭,右邊係柚子芥辣醬,入口清新,配肉更加平衡,我更為鍾意,但偏好傳統口味嘅老公認為芥末醬好食啲。

第五道︰鵪鶉鬆.琵琶烤豬(5/5分)
鵪鶉鬆.琵琶烤豬
6 浏览
0 赞好
0 留言
曾經有廚師同我講過,鵪鶉鬆都係比輕經典嘅菜色,將鵪鶉買返嚟剁碎去煮,配上唔同爽脆蔬菜同雜菇,面頭烤到好脆嘅豬再加少許黑魚子,再加埋下低嘅脆片,成個菜口感豐富,味道鹹鮮。

第六道︰金不換雜菇龍躉扣(5/5分)
金不換雜菇龍躉扣
11 浏览
0 赞好
0 留言

蒸籠底下個座有個發然包即時蒸煮加熱,令金不換嘅味道可以逼出嚟,加埋呢啲炒過嘅雜菇嘅香味,聞落已非常吸引。龍躉扣亦即係龍躉胃,非常彈牙有咬口,但一啲都唔韌,味道亦炆煮得好好,係一道濃味嘅菜。


第七道︰大啡菇松露(4/5分)
松露大啡菇
8 浏览
0 赞好
0 留言

食到嚟呢度已有啲飽,相比之下大啡菇松露好平常,其實都好食嘅,熱辣辣加上雜菌嘅香味,所以即使平常,都係會食晒。食到嚟呢道菜,發現餐廳好鍾意煮菇,我老公都話覺得似菇宴。

第八道︰鮑魚冷烏冬(5/5分)
鮑魚冷烏冬
8 浏览
0 赞好
0 留言

其實我唔鍾意漬蓮藕,喺呢道菜入面都覺得有少少多餘。飽魚三片咁堆疊,面頭嘅鹹菜有少少搶去成碟嘅味,令到味道較淡嘅鰹魚湯汁失色,對比下會覺得烏冬味道較淡。不過如果自己食嘅時候做好分配,其實都仲係會覺得幾好味嘅,同埋鮑魚都煮得啱啱好,而稻庭烏冬一向係質素保證。

第九道︰燕窩哈密瓜奶凍(3/5分)
燕窩哈密瓜奶凍
20 浏览
0 赞好
0 留言
張紙都係糖紙可以食,但味道就當然冇特別。食到呢度其實覺得超飽,仲要食奶凍真係太多了,寧願佢畀兩片哈密瓜我感覺仲清爽。同埋因為奶凍中有哈密瓜茸,口感唔順滑,失去咗奶凍嘅一大特色。所以呢道就較低分啦。

整體嚟講,每道菜都好食嘅,但我覺得餐廳可以再諗下菜品之間嘅味道配搭,因為頭盤之後、烏冬之前咁多道菜都係濃味,食食下會有啲味覺疲勞,最後個奶凍亦感覺好厚,唔係一個完美嘅句號吖。
不過喺日式廚師發辦大行其道,而好多其實都冇乜特別下,我強烈推薦大家試下獅房菜呢個中式廚師發辦,欣賞下用心製作嘅美食。

餐廳環境都幾好,空間感十足,枱唔算多,要食最好都係Book位啦。
64 浏览
0 赞好
0 留言
吧枱,有時煮嘢會有少少油煙味。
67 浏览
0 赞好
0 留言

靠窗位置都唔錯。成個餐食咗2個鐘後餐廳開始少人,我先好意思拎手機影環境。
74 浏览
0 赞好
0 留言

望門口嘅位。


餐牌供大家參考。
577 浏览
0 赞好
0 留言
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2022-06-14
用餐途径
堂食
人均消费
$600 (午餐)
推介美食
龍蝦蟹油炒蛋
A5仙台牛
金不換雜菇龍躉扣
鮑魚冷烏冬
松露大啡菇
鵪鶉鬆.琵琶烤豬
酸菜松茸鯛魚灌湯包
墨魚、象拔蚌、梅酒赤貝啫喱
黑毛豬叉燒