影片
更多
2025-02-05
646 浏览
【北區】【明記腸粉】我公司係乜人都有，有時都聽到唔少有關飲食嘅八卦。聽佢哋講，喺北區嘅臉書群組裏面有人投訴呢間「明記腸粉」態度差，但係佢哋就唔係好信。原來呢間「明記腸粉」係喺第二個位搬過嚟嘅，當時都略有聽聞，不過我冇為意，咁既然經過門口就食佢啦。朋友食咗碟 $23 嘅「腸粉四條配魚蛋豬皮」，就係有四條腸粉同埋魚蛋、豬皮，都幾大碟嘢，同埋係夠飽嘅。佢飲 $13 嘅「低糖豆漿」，都係豆美味嗰隻。我就食都係 $23 嘅「腸粉四條配咖哩魚蛋豬皮」，多咗咖喱兩粒字就係多咗少少辣，係有層次咗嘅。味道上我覺得成碟都可以，因為佢哋係自助混醬嘅，自己中意點落就點落，畢竟甜醬、麻醬、辣醬、芝麻都係一碟腸粉嘅靈魂，自己最清楚口味。飲品我飲 $20 嘅「明記斑蘭薏米水」，自家製，好飲。埋單 $79，我覺得店員態度 okay 喎，仲有自來貓玩。。。（地址：上水馬會道148號地下B號舖）
朋友食咗碟 $23 嘅「腸粉四條配魚蛋豬皮」，就係有四條腸粉同埋魚蛋、豬皮，都幾大碟嘢，同埋係夠飽嘅。佢飲 $13 嘅「低糖豆漿」，都係豆美味嗰隻。我就食都係 $23 嘅「腸粉四條配咖哩魚蛋豬皮」，多咗咖喱兩粒字就係多咗少少辣，係有層次咗嘅。
味道上我覺得成碟都可以，因為佢哋係自助混醬嘅，自己中意點落就點落，畢竟甜醬、麻醬、辣醬、芝麻都係一碟腸粉嘅靈魂，自己最清楚口味。飲品我飲 $20 嘅「明記斑蘭薏米水」，自家製，好飲。埋單 $79，我覺得店員態度 okay 喎，仲有自來貓玩。。。
（地址：上水馬會道148號地下B號舖）
张贴
