同親友一齊飲茶，佢哋揀咗佢哋飲開嘅老字號酒家。
🔴極品燒鵝王（例牌）+上湯米粉 $138
呢間酒樓嘅燒鵝非常出色！皮薄肉嫩油脂香，外皮微焦帶甜味，平時少食到如此滿意嘅燒鵝。順帶一提米粉非常之多。
🔴蝦頭油瑤柱炒飯
本身好奇乜嘢係蝦頭油，原來係提升鮮味嘅一種食材。蛋香比較明顯嘅炒飯。
🔴豉油王豬爽肉炒河
調味不錯有鑊氣，豬爽肉彈牙香口，長輩們都讚好。
🔴南乳粗齋煲
南乳本身同好多食材都夾，配搭齋菜令呢煲小菜一啲都唔寡。有粉絲打底索晒啲味。
🏠牡丹金閣 (元朗)
📍元朗西菁街10號好順泰大廈地下4-5號
